Iha loron 4 fulan Outubru tinan 2021 - Ministru Admnistrasaun Estatal, Miguel de Carvalho hala'o inaugurasaun ba Uma Kbi'it Laek (UKL) iha  Suku Holarua, Postu Administrativu Same Vila, Munisípiu Manufahi, ba familia benefisiariu.

UKL ne'e nu’udar polítika VIII Governu Konstitusionál nian lideradu hosi Primeiru-Ministru Taur Matan Ruak, ho objetivu atu bele ajuda hakmaan família kbiit la’ek sira ba uma mahon, hodi kumpri Konstituisaun RDTL artigu 58 kona ba “hela fatin” ; Hateten katak “ema hotu iha direitu ba nia an no nia família atu iha uma ida ho dimensaun no kondisaun di’ak, moos no konfortu atu bele iha intimidade ba ema ida-idak no privasidade familiar no uma mos sai hanesan nesesidade bázika tuir kategoria nesesidade ema nian.

Loloos uma UKL ne'e realiza iha OJE 2020, maibe tanba hetan xhumba, nune'e reproposta fali ba iha tinan fiskál 2021, ho fazeadamente ba populasaun kbiit la’ek iha teritóriu laran, ne’ebé ba faze dahuluk 2021 nian harii uluk uma hamutuk 1,252 no segunda faze sei kontinua iha tinan fiskál 2022, 2023 to’o 2025.

Iha Seremónia Inaugurasaun ne'e Ministru Administrasaun Estatal iha nia intervensaun hato sentimentu kontenti liu husi Governu bele halo uma ne'ebe dignu ba Sidadaun hotu-hotu ne'ebé konsideradu Ema Kbi'it Laek iha Teritoriu Tomak.

Iha fatin hanesan Xefe Suku Holarua sente orgulhu no kontente tanba ho programa PNDS bele ajuda ona Komunidade Kbi'it Laek iha Suku ne'e, ne'ebé durante hela deit iha uma piku no bainhira udan monu rai bee sempre tama sira nia uma.

Leopoldinha da Silva nu'udar benefisiariu iha Suku Holarua Sente Kontente tebes tanba liu husi Programa Nasional Dezenvolvimentu Suku ajuda ona sira no sira husu ba Governu liu husi PNDS atu kontinua nafatin programa ne'e no bele ajuda mós komunidade sira seluk.

Partisipa iha Seremónia Inaugurasaun ne'e Embaixador Austrália, Peter Roberts, Ajuntu PDHJ, Team Leader Austrália, Diretora ST-PNDS, Linhas Ministerial Munisipiu Manufahi, Fungsionariu PNDS, Autoridade Lokal Munisipiu Manufahi no Komunidade Suku Holarua.

NOTAS:

UKL iha modelu tipe rua; 37m² no 48m²:

Medida 37m² : konstrui ho orsamentu $15.000, iha sala vizita no refetóriu, medida 3x4m, kuartu 2 (kada kuartu medida 3x3m), hariis fatin medida 2x3m no dapur ho medida 5x3m, lokalizadu iha li’ur (uma kotuk).

Medida 48m² : konstrui ho orsamentu $17.000, iha sala vizita no refetório ho medida 3x4m, kuartu 3 (kada kuartu medida 3x3m), hariis fatin ho medida 2x3m no dapur ho medida 5x3, lokalizadu iha li’ur (uma kotuk).

UKL nu’udar polítika VIII Governu Konstitusionál nian lideradu hosi Primeiru-Ministru Taur Matan Ruak, ho objetivu atu bele ajuda hakmaan família kbiit la’ek sira ba uma mahon, hodi kumpri Konstituisaun RDTL artigu 58 kona ba “hela fatin” ; Hateten katak “ema hotu iha direitu ba nia an no nia família atu iha uma ida ho dimensaun no kondisaun di’ak, moos no konfortu atu bele iha intimidade ba ema ida-idak no privasidade familiar no uma mos sai hanesan nesesidade bázika tuir kategoria nesesidade ema nian.

Tuir dadus sensu fó fila 2015, populasaun Timor Leste atinji ona millaun 1.3, husi númeru ne’e, populasaun 42% mak sei moris kiak tebes no 58% populasaun mak sei moris ho kondisaun uma ne’ebé aat, la seguru no laiha asesu ba bee moos.

 

#????????????????????????????????

https://www.facebook.com/Offisial-Media-PNDS-106860117840754/