Dili, Loron 16 Fulan - Setembro,Tinan 2021.

Progresu Konstrusaun Uma Kbiit La’ek ba família kbiit la’ek sira iha teritóriu laran kontinua la’o no hatudu progresu, maske hasoru difikuldades iha terenu tanba relasiona ho situasaun pandemia COVID-19, konfinamentu obrigatóriu, serka sanitária,  no problema asesu estrada ba benefisiáriu nia  fatin, maibé projetu UKL to’o  semana daruak fulan setembru ne’e, atinji ona 19% iha teritóriu laran, no iha Munisípiu balun hatudu progresu to’o ona 40%.
Notas:
Iha tinan fiskál 2021, Governu tau osan hodi harii Uma Kbiit La’ek (UKL) fazeadamente ba populasaun kbiit la’ek iha teritóriu laran, ne’ebé ba faze dahuluk harii uluk uma hamutuk 1,252 no segunda faze sei kontinua iha tinan fiskál 2022, 2023 to’o 2025.
UKL iha modelu tipe rua; 37m² no 48m²:
Medida 37m² : konstrui ho orsamentu $15.000, iha sala vizita no refetóriu, medida 3x4m, kuartu 2 (kada kuartu medida 3x3m), hariis fatin medida 2x3m no dapur ho medida 5x3m, lokalizadu iha li’ur (uma kotuk).
? Medida 48m² : konstrui ho orsamentu $17.000, iha sala vizita no refetório ho medida 3x4m, kuartu 3 (kada kuartu medida 3x3m), hariis fatin ho medida 2x3m no dapur ho medida 5x3, lokalizadu iha li’ur (uma kotuk).
UKL nu’udar polítika VIII Governu Konstitusionál nian lideradu hosi Primeiru-Ministru Taur Matan Ruak, ho objetivu atu bele ajuda hakmaan família kbiit la’ek sira ba uma mahon, hodi kumpri Konstituisaun RDTL artigu 58 kona ba “hela fatin” ; Hateten katak “ema hotu iha direitu ba nia an no nia família atu iha uma ida ho dimensaun no kondisaun di’ak, moos no konfortu atu bele iha intimidade ba ema ida-idak no privasidade familiar no uma mos sai hanesan nesesidade bázika tuir kategoria nesesidade ema nian.
Notas:
Tuir dadus sensu fó fila 2015, populasaun Timor Leste atinji ona millaun 1.3, husi númeru ne’e, populasaun 42% mak sei moris kiak tebes no 58% populasaun mak sei moris ho kondisaun uma ne’ebé aat, la seguru no laiha asesu ba bee moos.

kopia hosi : Angela Santos
https://www.facebook.com/profile.php?id=100045723653395